Bishkek áýejaıynan bomba tabylmady, habarlama jalǵan bolyp shyqty

<p>ASTANA. KAZINFORM &ndash; Bishkekte &laquo;Manas&raquo; halyqaralyq áýejaıyna bomba qoıylǵany týraly aqparat rastalmady, áýe termınaly qalypty rejımde jumys istep tur. Bul týraly Shý oblysy boıynsha ІІB habar taratty.</p>

Vedomstvonyń aıtýynsha, 22 mamyrda saǵat 13.50-de kezekshi bólimge, saǵat 13.12-de «Manas» áýejaıynyń elektrondy poshtasyna «Babah 15.00-de» degen mátinmen habarlama kelip túsken.

Atalǵan fakti tirkelip, tergeýge deıingi tekserý bastaldy.

Oqıǵa ornyna Shý oblysy ІІB, Sokýlýk aýdandyq ishki ister basqarmasynyń jedel-tergeý toby jáne Shý oblysy ІІD Arnaıy kúzet qyzmetiniń qyzmetkerleri bardy. Aýmaq dereý qorshaýǵa alynyp, qyzmetkerler men jolaýshylar evakýatsııalandy.

Polıtsııa qyzmetkerleri UQK qyzmetkerlerimen birlesip, qajetti jedel-izdestirý sharalaryn júrgizdi, saperler toby oqıǵa ornynda tintý júrgizip, nátıjesinde fakt rastalmady.

Ushaqtardyń kelýi men ketýinde eshqandaı kidiris bolǵan joq, qazir qorshaý alynyp, áýejaı qalypty jumys istep tur.

Esterińizge sala keteıik, buǵan deıin Bishkek áýejaıyndaǵy bomba habarlamasyna baılanysty adamdar evakýatsııalanǵanyn habarlaǵan edik.