Brıýsseldegi atys kezinde Eýroparlament qyzmetkeri zardap shekti

<p>Shvetsııalyq eýrodepýtat kómekshisi Brıýsselde sársenbi keshke bolǵan atystan zardap shekti, dep habarlaıdy Kazinform agenttiginiń menshikti tilshisi.</p>

Politico basylymynyń jazýynsha, Eýroparlamenttiń jaralanǵan qyzmetkeri Eýropa halyq partııasynda jumys isteıdi.

-Brıýsseldegi atys kezinde qyzmetkerlerimizdiń biri jaralandy. Qazir oǵan kómek kórsetilip jatyr, jaǵdaıy asa aýyr emes, - dep málim etti EHP depýtaty Tomash Tobe H áleýmettik jelisinde.

Qaıǵyly oqıǵaǵa Eýropalyq parlament prezıdenti Roberta Metsola da pikir bildirdi.

— Bar oıymyz búgin Brıýsselde bolǵan atys kezinde jaralanǵan Eýroparlament qyzmetkeri men basqa da zardap shekken adamdarda bolyp otyr. Olardyń tez jazylyp ketýine tilektespin. Jedel qyzmetterge alǵys aıtamyn. Men kómekshi jumys isteıtin parlament múshesimen sóılestim, jaralanǵan qyzmetkerge de jazylǵannan keıin jaǵdaıyn surap habarlasamyn, - dedi Roberta Metsola.

Sársenbi kúni Brıýssel ortalyǵynda atys bolyp, tórt adam jaraqat alǵanyn eske sala keteıik.