Brıýsselde NATO-nyń 75 jyldyq mereıtoıy saltanatty túrde atap ótiledi

<p>ASTANA. KAZINFORM &ndash; 2024 jyly NATO Ujymdyq qorǵanys alıansynyń qurylǵanyna 75 jyl tolýyn atap ótedi.&nbsp;</p>

"1949 jyldyń 4 sáýirinen beri Transatlantıkalyq alıans 12 quryltaıshy músheden óz azamattarynyń qaýipsizdigin qamtamasyz etý úshin birlesip jumys isteıtin 32 múshe elge deıin keńeıdi" dep atap ótti bloktyń baspasóz qyzmeti.

NATO óziniń mereıtoıyn 4 sáýir kúni Brıýsseldegi shtab-páterinde jáne Quryltaı shartyna qol qoıylǵan Vashıngtonda 9-11 shildede atap ótedi. 

Búgin Eýropa astanasynda NATO-ǵa múshe elderdiń syrtqy ister mınıstrleri, sonyń ishinde AQSh Memlekettik hatshysy E.Blınken bas qosady.

Josparlanǵandaı, NATO Bas hatshysy I.Stoltenberg sımvolıkalyq túrde shokoladty tortty kesedi, al Belgııanyń Áskerı-áýe kúshteri men Nıderland Áskerı-teńiz kúshteri orkestri NATO-nyń «Esprit de Corps» ánuranyn jáne Stıven Spılbergtiń Ekinshi dúnıejúzilik soǵys týraly «Qarýlas baýyrlar» shaǵyn serıalyndaǵy mýzykany oryndaıdy.