Brıýsselde klımattyń ózgerýine qatysty aktsııaǵa 20 myńǵa jýyq adam qatysty

<p>Brıýsselde Soltústik vokzal aýmaǵynda 20 myńǵa jýyq adam qatysqan sherý bastaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.&nbsp;&nbsp;</p>

Sherýshiler bılikti klımattyń ózgerýine qarsy belsendi áreket etýge shaqyrdy. Mıtıng Birikken Arab Ámirlikteriniń Dýbaı qalasynda bolǵan BUU-nyń 28-shi klımattyq konferentsııasy aıasynda ótip jatyr.

Burynǵy demonstratsııalar sııaqty bul is-sharany júzge jýyq ÚEU, kásipodaqtar men azamattyq qozǵalystardy biriktiretin Klımat koalıtsııasy uıymdastyrady.

Ótken jyly uıymdastyrýshylardyń esebinshe 30 myńǵa jýyq adam qatysqany aıtylsa, polıtsııa 25 myń adam baryn málimdegen bolatyn.

«Búgin aktsııaǵa 20 myńǵa jýyq adam qatysty», - dep habarlady polıtsııa.

Klımattyq marsh Eýropa astanasynda tústen keıin qar jaýǵan ýaqytta ótti.