Brıýsselde qazaqstandyq stýdentter sý tasqynynan zardap shekkenderdi qoldaý aktsııasyn ótkizdi

<p>BRıÝSSELЬ. KAZINFORM &ndash; Belgııadaǵy jas otandastardyń basyn biriktiretin &laquo;Qazaq society&raquo; stýdenttik uıymynyń belsendileri Qazaqstanda sý tasqynynan zardap shekkenderge qarajat jınaý maqsatynda jármeńke ótkizdi.</p>

Belgııanyń bedeldi ýnıversıtetteriniń birinde oqıtyn «KU Leuven» qazaqstandyq jastar Eýropa astanasynyń ortalyǵynda JOO ishinde jáne onyń aýmaǵynda qazaq taǵamdaryn, ulttyq kádesyılardy satatyn birneshe núkte uıymdastyrdy.

Taýarlaryn óte qoljetimdi baǵamen satqan qazaqstandyq jastar odan túsken qarajatty qıyn-qystaý kezeńde otandastarynyń múlkin qalpyna keltirýmen jáne qoldaýmen aınalysatyn Qazaqstan Respýblıkasyndaǵy qorlardyń shottaryna aýdarýdy josparlap otyr.

Áleýmettik jelide aldyn ala habarlanǵan sharaǵa tek ýnıversıtet stýdentteri ǵana emes, Belgııadaǵy jergilikti ortanyń beldi ókilderi de qatysty. Osylaısha, aktsııaǵa «Reformatorlar qozǵalysy» partııasynan Belgııa parlamentiniń depýtattyǵyna tanymal kandıdat Olıve Vılloks qatysty.

Ol qazaqstandyqtardyń «KU Leuven» jármeńkesine arnaıy bardy. Kazinform tilshisimen suhbatynda O.Vılloks Belgııanyń ózi 2021 jyly qatty sý tasqynyna tap bolǵanyn jáne tabıǵı apattardyń zardaptary qanshalyqty aýyr ekenin túsinetinin aıtty.

«Men úshin bul – qazaq taǵamdarynan dám tatyp, mádenıetimen tanysýǵa, sonymen qatar qıyn kezeńde qazaq halqyna qoldaý kórsetý úshin jaqsy múmkindik», - dedi O.Vılloks.

Belgııalyq saıasatker qazaq jastarymen de áńgimelesip, qoldaý bildirdi.