Brıýsselde Ispanııadaǵy qaıǵyly oqıǵalarǵa baılanysty EO týlary túsiriledi

<p>BRıÝSSELЬ. KAZINFORM &ndash; Ispanııadaǵy sý tasqynynan qaza tapqandardy aza tutý rásimine baılanysty búgin Eýroodaqtyń negizgi ǵımarattary &ndash; Eýrokomıssııa, Eýropalyq keńes, Eýroparlamenttiń ústindegi Eýroodaqtyń týlary jartylaı túsiriledi, dep habarlaıdy Kazinform agenttiginiń menshikti tilshisi.</p>

«Búgin bizdiń týlarymyz ıspan halqymen nıettestigimizdiń belgisi retinde jartylaı túsiriledi. Sizdermen birge qaıǵyryp otyrmyz. Biz birge kóterilemiz», - dep jazdy EK prezıdenti Ýrsýla fon der Lıaıen.

Sonymen qatar, Ispanııa Valensııa men Albasetede qutqarý jumystary jalǵasýda. Paıporta, Alfafar nemese Ýtıel-Rekena – Valensııada eń qatty zardap shekken mýnıtsıpalıtetterdiń biri.

Sý tasqyny saldarynan 95 adam qaza taýyp, ondaǵan adam iz-túzsiz joǵaldy.

Buryn habarlanǵandaı, Ispanııada úsh kún aza tutý kúni dep jarııalandy.

Korol Felıpe men Ispanııa premer-mınıstri Pedro Sanches qaza bolǵandardyń otbasylaryna kóńil aıtty. Ispanııa úkimetiniń basshysy aýa raıynyń qolaısyzdyǵyna baılanysty jaǵdaı áli ózgermegenin eskertti.

Osyǵan deıin Ispanııada sý tasqyny saldarynan 50-den astam adam mert bolǵany týraly jazdyq.

Ispanııadaǵy sý tasqynynan zardap shekkender arasynda qazaqstandyqtar joq.