Brıýssel ortalyǵynda atys boldy

<p>Belgııa astanasynda sońǵy úsh kúnde atys qarýy qoldanylǵan eki oqıǵa boldy. Bul týraly <a href="https://www.rtbf.be/article/des-coups-de-feu-avec-des-armes-de-guerre-a-saint-gilles-les-auteurs-ont-pris-la-fuite-vers-anderlecht-11329095" target="_blank" rel="noopener">rtbf.be</a> teleradıokompanııasy jazdy.&nbsp;</p>

Seısenbi kúni saǵat 14:00-de Sent-Jıl kommýnasyndaǵy Jak-Frank alańynda belgisiz bireýler birneshe ret oq jaýdyryp, Anderleht aımaǵyna qashpaq bolǵan. 

Polıtsııanyń aıtýynsha, oq jaýdyrǵan 3 adamnyń maqsaty belgisiz. Zardap shekkender týraly aqparat joq.

Alaıda, izin jasyrmaq bolǵan kúdiktiler áıeldi qaǵyp ketken, onyń ómirine tóngen qaýip joq. Artynsha kólikteri qabyrǵaǵa soǵylyp, kúdiktiler kólikti tastap, polıtsııadan qashýdy jalǵastyrdy. 

«Olar áli qamaýǵa alynǵan joq», - deıdi Sent-Jıl meri Jan Spınett.

Belgııalyq baspasóz atys bolǵan aımaq esirtkini zańsyz satýmen «áıgili» dep jazady. 

Sonymen qatar bul Brıýsseldiń osy aımaǵyndaǵy ekinshi atys oqıǵasy. Osyǵan uqsas oqıǵa jeksenbide bolyp, eki adam oq jaraqatyn alǵan. 

«Bul oqıǵalardyń bir-birimen baılanysty bolý yqtımaldyǵy joǵary», - dedi jergilikti kommýna meri.

Aýdan basshysy sonymen qatar óz aımaǵyndaǵy qylmyskerlerdiń mafııa tárizdi jáne joǵary uıymdasqan minez-qulqy týraly aıtyp, federaldy sot polıtsııasynyń, prokýratýranyń jáne esirtki komıssarynyń iske aralasýyn talap etti.

«Bizge aýdandardan tysqary jatqan esirtki tasymaly toptaryn qýdalaý úshin tehnıkalyq jáne qarjylyq múmkindikter qajet», - dedi J.Spınett.