Brıýsseldegi tártipsizdikter kezinde úsh polıtseı jaraqat aldy

BRıÝSSELЬ. QazAqparat – Jeksenbi kúni Brıýsselde bastalǵan sanıtarlyq shekteýlerge qarsy beıbit mıtıng polıtsııamen qaqtyǵysqa ulasty. Sonyń saldarynan birneshe ǵımarat qırady, dep habarlaıdy «QazAqparat» HAA menshikti tilshisi.

Uıymdastyrýshylardyń málimetinshe, marshqa 100 myń adam qatysýy tıis edi. Polıtsııa aktsııaǵa 50 myń adam qatysqanyn habarlady.

Saǵat 14 shamasynda ereýilshiler polıtsııamen qaqtyǵysqan, quqyq qorǵaýshylar kózdi jasaýratatyn gaz ben sý shashatyn qurylǵylardy paıdalandy. Alaıda ereýilshiler Belgııa astanasyndaǵy Eýrapalyq kvartalda ornalasqan jekelegen ákimshilik ǵımarattar, qoǵamdyq tamaqtaný oryndary men metronyń kireberisin talqandap úlgerdi.

Sherýshiler Eýropalyq syrtqy áreket qyzmetiniń (European external action service) keńsesine shabýyl jasady.

Brıýssel polıtsııasy tártipsizdikke qatysqan 70-ke jýyq adamdy ustady. 15 adam, sonyń ishinde úsh polıtseı aýrýhanaǵa tústi.

«Biz árkimniń pikirine qulaq asýymyz kerek. Biraq demonstratsııany kúshpen basyp alyp, ony óz maqsatyna paıdalanbaqshy bolǵandarmen kelissóz júrgizbeımin, - dep atap ótti Belgııanyń Іshki ister mınıstri Annelıs Verlınden. – Bul aqylǵa qonbaıdy jáne bul óz talaptaryn jetkizýdiń tásili emes».

Avtor: Arnýr Rahymbekov