Brıýsselde úıdiń baǵasy qymbattap barady
Belgııanyń statıstıka basqarmasy 2021 jyldyń úshinshi toqsanyndaǵy eldegi jyljymaıtyn múliktiń quny týraly málimetterdi jarııalady. Sholý jergilikti ádilet organdarynda tirkelgen satyp alý-satý sharttary negizinde júrgizilgen.
Máselen, 2021 jyly Belgııa astanasyndaǵy páterler ortasha eseppen 20 myń eýroǵa qymbattapty. Brıýssel qalasynda jyljymaıtyn múliktiń ortasha baǵasy 250 myń eýroǵa jetti, bul 2020 jylǵy kórsetkishten 8,7% kóp.
Brıýssel mýnıtsıpalıtetteriniń arasynda eń qymbat dep tanylǵan úshtikke Volıýve-Sen-Per, Eksel, Volıýve-Sen-Lamber kiredi. Volıýve-Sent-Per mýnıtsıpalıteti astananyń eń qymbat aýdany, munda páterdiń ortasha baǵasy 2019 jyldyń úshinshi toqsanynda 290 myń eýrodan 2021 jyldyń úshinshi toqsanynda 350 myń eýroǵa deıin (60 myń eýroǵa) ósti.
Jyljymaıtyn múlik naryǵyndaǵy sarapshylardyń pikirinshe, mundaı qomaqty baǵa eýropalyq ınstıtýttar, kóptegen dıplomatııalyq korpýs jáne NATO-nyń shtab páteri ornalasqan Belgııa astanasyna jyljymaıtyn múlikke suranystyń joǵary bolýyna baılanysty.