Brıýsselde Sırııa boıynsha donorlyq konferentsııa bastalady
«Sırııanyń jáne aımaqtyń bolashaǵyna qoldaý» forýmyna Eýropa odaǵy, aımaq memleketteri, BUU, iri donorlar men úkimettik emes uıymdar atynan kelgen 70 delegatsııa qatysady.
BUU, Germanııa, Kýveıt, Norvegııa, Katar jáne Birikken Koroldik sharanyń teń tóraǵalary bolyp tabylady.
Konferentsııa qatysýshylary 2016 jyldyń aqpan aıynda London konferentsııasynda alynǵan mindettemelerdi oryndaý joldaryn talqylaıdy jáne Sırııa men kórshiler memleketterge qosymsha qoldaý kórsetý kólemderin anyqtaıdy.
Sonymen birge, forýmda shıelenisten keıingi qalpyna kelýdiń keleshegi jáne elde saıası aýysýdyń turaqty protsesi talqylanady.
Bul Londondaǵy donorlyq konferentsııadan keıingi ekinshi kezdesý bolmaq. Londonda qatysýshylar Sırııa aýmaǵyndaǵy jáne elden tys júrgen sırııalyqtardyń eń muqtaj qajettilikterin qanaǵattandyrý úshin 10 mıllıard dollardan astam qarajat bólýge ýáde bergen edi.