Brıýsselde Ekinshi dúnıejúzilik soǵysta qaza tapqan keńestik jáne belgııalyq jaýyngerler eske alyndy

SSELЬ. Mamyrdyń 11-i. QazAqparat /Dımash Syzdyqov/ - Brıýsselde tirkelgen dıplomatııalyq mıssııalardyń ókilderi Uly Jeńistiń 65 jyldyǵy qurmetine,

Belgııany azat etý kezinde qaza tapqan keńes áskerleri men Qarsylasý qozǵalysyna qatysqan belgııalyq azamattardyń eskertkishterine gúl shoqtaryn qoıdy.

Qazaqstan tarapynan elimizdiń Belgııa men Lıýksembýrgtaǵy Elshisi, Eýroodaq pen NATO janyndaǵy mıssııalardyń jetekshisi Erik Ótembaev, sondaı-aq Qazaqstannyń Qorǵanys mınıstrliginiń NATO shtab-páteri janyndaǵy áskerı ókilderi gúl shoqtaryn qoıdy.

E.Ótembaev óz sózinde atap kórsetkendeı, búgin búkil dıplomatııalyq korpýs keńes áskerlerin eske alyp, eskertkishterge gúl shoqtaryn qoıdy. Keńes halqynyń Jeńiske qosqan úlesin joǵary baǵalap otyrǵan Belgııa úkimetiniń atalmysh sharaǵa belsendi atsalysyp otyrǵanyna kýá boldyq,- dedi dıplomat óz sózinde.