Brıýs Ýıllıstiń otbasy akterdiń aqyl kemistigine shaldyqqanyn málimdedi

VAShINGTON. QazAqparat – Brıýs Ýıllıstiń otbasynyń habarlaýynsha, akter aqyl kemdiginiń keń taraǵan túrleriniń biri - mańdaı dementsııasyna shaldyqqan, dep habarlaıdy «QazAqparat» HAA menshikti tilshisi BBC News-ke silteme jasap.

Málimdemede 67 jastaǵy azamatqa byltyr kóktemde sóıleý kezinde qıyndyq týdyratyn afazııa dıagnozy qoıylǵany, biraq sol aýrý asqynyp ketkeni aıtylǵan.

Brıýs Ýıllıs 1980-90 jyldary «Berik jańǵaq», «Altynshy sezim», «Armageddon» syndy fılmderden keıin tanymal tulǵaǵa aınaldy. Akter 5 ret nomınant atanǵan «Altyn globýs» premııasyn aldy, sondaı eki ret «Emmı» syılyǵymen marapattaldy.

Biraq byltyr afazııa derti onyń kognıtıvti qabiletine áser etip jatqandyqtan otbasy akter kásibı qyzmetinen bas tartatynyn málimdedi.

Áleýmettik jelidegi málimdemege Brıýs Ýıllıstiń otbasy, onyń ishinde eki qyzy bar áıeli Emma Hemıng jáne úsh qyzy men burynǵy áıeli Demı Mýr qol qoıǵan.

Mańdaı dementsııasy naýqastyń áreketi men sózine irkilis alyp keletin aýrýdyń «erekshe» túri. Belgileriniń biri – qozǵalystyń baıaý ári eriksiz bolýy. Qazirgi ýaqytta bul aýrýdyń emi joq.

Foto: GETTY IMAGES