Brýtsellezge baılanysty Aqmola oblysyndaǵy Marınovka aýylyna shekteý engiziledi

ASTANA. QazAqparat – Aqmola oblysynyń Atbasar aýdanyna qarasty Marınovka aýylynda iri qaradan brýtsellez anyqtaldy, dep habarlaıdy QazAqparat tilshisi.

«Іri qara maldyń brýtsellez aýrýynyń paıda bolýyna baılanysty Atbasar aýdany Marınovka aýyldyq okrýginiń Marınovka aýyly jáne oǵan shekaralas aýmaǵynda shekteý is-sharalary belgilensin», - delingen Ashyq NQA portalynda jarııalanǵan Marınovka aýyldyq okrýginiń ákimi J.Qalıevtiń sheshiminde.

Belgili bolǵandaı, shekteý engizilip jatqan aýylda mamyr aıynda bir bas iri qaradan brýtsellez anyqtalǵan.

«16 mamyrda Atbasar aýdanynyń Marınovka aýylynda iri qaradan alynǵan bıologııalyq materıaldardy brýtsellezge zertteý barysynda bir synamadan brýtsellez qozdyrǵyshy anyqtaldy. Adamdar men janýarlar úshin ortaq juqpaly aýrýlardyń aldyn alý maqsatynda Marınovka aýylynda brýtsellez boıynsha shekteý engizý kerek», - dep túsindirme berilgen sheshimge.

Qosa ketsek, keshe Soltústik Qazaqstanda iri qaradan brýtsellez anyqtalǵan aýylǵa shekteý engizilgen bolatyn.