Astana turǵyny broker arqyly baǵaly qaǵazdar naryǵynda zańsyz saýda jasaǵany úshin isti boldy

<p>ASTANA. KAZINFORM &ndash; Baǵaly qaǵazdar naryǵynda manıpýlıatsııa jasaǵany úshin jeke tulǵa jaýapkershilikke tartyldy.&nbsp; Bul týraly Astana qalasynyń prokýratýrasy málim etti. &nbsp;</p>

«Baǵaly qaǵazdar naryǵynda aıla-sharǵy maqsatynda mámileler jasaǵany úshin jeke tulǵa Ákimshilik quqyq buzýshylyqtar týraly Kodeksiniń 259-baby boıynsha ákimshilik jaýaptylyqqa tartyldy», — delingen habarlamada.

Atalǵan tulǵa óziniń ótinimi boıynsha eki broker arqyly 6 kún ishinde naryqtyń bir kompanııasynyń aktsııalarymen 9 mámile jasaǵany anyqtaldy, bul baǵaly qaǵazdar naryǵy týraly Zańǵa jáne Ulttyq Bank Basqarmasynyń qaýlysyna qaıshy keledi.

Jasalǵan mámileler baǵaly qaǵazdar naryǵyndaǵy saýda kólemine aıtarlyqtaı áser etti.

Prokýratýranyń den qoıý aktisi boıynsha sotpen kináli tulǵa 2,2 mln teńge mólsherinde aıyppul túrinde ákimshilik jaýaptylyqqa tartyldy.

Sheshim zańdy kúshine endi.