Birinshi jartyjyldyqta elektrondyq aqshamen júrgizilgen operatsııalar 30%-ǵa ósti – Ulttyq bank

<p>ASTANA. KAZINFORM &ndash; 2024 jylǵy 1 shildedegi jaǵdaı boıynsha Qazaqstan aýmaǵynda 138 tólem uıymy tirkelgen. Bul kórsetkish ótken jylmen salystyrǵanda 20%-ǵa ósken. Bul týraly QR Ulttyq bankiniń baspasóz qyzmeti málim etti.&nbsp;</p>

2024 jyldyń birinshi jartyjyldyǵynda tólem uıymdarynyń servısteri arqyly júzege asyrylǵan aınalymdar 3,8 trln teńgeni qurady (2023 jyldyń sáıkes kezeńimen salystyrǵanda 3,5%-ǵa tómendedi).

Jekelegen tólem uıymdarynda kórsetiletin tólem qyzmetteri boıynsha aınalymdardyń shoǵyrlanýy baıqalady. Máselen, tólem naryǵynda jumys isteıtin tólem uıymdarynyń aıtarlyqtaı úlesi (aınalymnyń 74,4%-dan astamy) 15 tólem uıymyna tıesili.

«2024 jyldyń birinshi jartyjyldyǵyndaǵy operatsııalardyń kólemi jaǵynan klıentterdiń mobıldi qurylǵylar men ınternet jelisiniń kómegimen bastama jasaǵan operatsııalary boıynsha eń úlken ósim baıqaldy. 2024 jylǵy birinshi jartyjyldyqta mobıldi qurylǵylar men ınternet jelisi arqyly 2 595 mlrd teńgege 291 mln operatsııa júrgizildi (2023 jyldyń sáıkes kezeńimen salystyrǵanda 10%-ǵa ósti)», — delingen habarlamada.

Qolma-qol aqshany qabyldaýǵa baılanysty operatsııalar boıynsha tólem uıymdary 804 mlrd teńgege 71 mln operatsııa júrgizdi.

Bul rette elektrondyq aqshamen jasalatyn operatsııalar aıtarlyqtaı óskenin kórsetip otyr. 2024 jylǵy birinshi jartyjyldyqta 369,6 mlrd teńgege operatsııalar júrgizildi (30,6%-ǵa ósti).

Tólem uıymdarynyń aýmaqtyq taralýy bylaı qalyptasty: tólem uıymdarynyń 92,0% (127 birlik) — Almatyǵa, 5,8% (8 birlik) — Astanaǵa, 1,4% (2 birlik) — Qaraǵandyǵa, 0,7% (1) — Rýdnyıǵa jáne 0,7% (1) — Qonaev qalasyna tıesili.