Petropavlda sý berý qalpyna keltirildi

<p>ASTANA. KAZINFORM - Premer-Mınıstrdiń birinshi orynbasary Roman Sklıar &laquo;Qyzyljar Sý&raquo; JShS-nyń ekinshi deńgeıdegi sorǵy stantsııasyn qalpyna keltirý jumystaryn tekserdi, dep habarlaıdy QR Úkimetiniń baspasóz qyzmeti.&nbsp;</p>

Birinshi deńgeıdegi stansa isten shyqqannan keıin birinshi vıtse-premer jańa sorǵyny ornatýdy aıaqtap, Petropavl qalasyn 14 sáýirge qaraǵan túni sýmen qamtamasyz etýdi tapsyrdy.

Foto: Úkimet

«Túngi 00:00-den keıin qalanyń barlyq aýdanyna sý kele bastady. Rezervtik kózde jetkilikti kólemde sý jınalyp, iske qosyldy. Sýmen qamtamasyz etý úzdiksiz bolady. Sýdyń sapasy men koagýlıanttardyń qoljetimdiligi qamtamasyz etilgen», — dedi Roman Sklıar.

Ol jumystardyń táýlik boıy júrgiziletinin atap ótti.

Foto: Úkimet

Sondaı-aq birinshi vıtse-premer Petropavl qalasynyń Podgora yqsham aýdanyndaǵy qutqarý jumystarynyń barysyn tekserdi. Sý basqan jerlerden dron kómegimen 48 adam evakýatsııalanǵan. Qutqarýshylar izdestirý jumystaryna teplovızory bar ushqyshsyz ushý apparatyn paıdalandy. Nátıjesinde 59 adam tabylǵan, alaıda olardyń 11-i úıinen ketýden bas tartqan. Birinshi vıtse-premer olardy dereý evakýatsııalaýdy tapsyrdy.

Foto: Úkimet

«Qalǵan adamdardy shuǵyl evakýatsııalaý qajet. Qaýipti aımaqta qalýǵa bolmaıdy. Qarsylyq tanytqandardy ákimshilik jaýapkershilikke tartyp, qaýipsiz jerge jetkizý kerek», — dedi ol.