Birinshi ret osyndaı jaǵdaıdy bastan ótkerip otyrmyz – Berik Sultan

<p>ASTANA. KAZINFORM &ndash; WBO jáne IBF tujyrymdary boıynsha orta salmaqtaǵy álem chempıony Jánibek Álimhanulynyń jańa zelandııalyq boksshy Andreı Mıhaılovıchpen jekpe-jek aldynda aýrýhanaǵa tústi. Otandasymyz salmaq qýý kezinde esinen tanyp qalǵan. Bul týraly boksshynyń menedjeri Berik Sultan áleýmettik jelidegi paraqshasynda jazdy.&nbsp;</p>

– Qurmetti aǵaıyndar! Jekpe-jek bolmaıdy degen jańalyqty oqyp sizderdiń de kóńil kúılerińiz túskenin bilemiz. Sebebi janashyr, tileýles ekenderińizdi bilemiz. Álemniń túkpir-túkpirinen qanshama jankúıer ónerimizdi kórsek dep asyǵa kútti. Biz de rıngte Qazaq style-dy kórsetý úshin barymyzdy salyp daıyndaldyq. Degenmen ózge sportshylar sekildi biz de salmaq qýý kezinde qıyndyqqa tap boldyq. Birinshi ret osyndaı jaǵdaıdy bastan ótkerip otyrmyz. Ońaı emes eken. Túnimen aýrýhanada boldyq. Muny da kórý kerek bolǵan shyǵar. Qazir Jánibektiń jaǵdaıy birqalypty. Densaýlyq birinshi orynda ekenin bilesizder. Buıyrtsa 2-3 aıda qalypqa kelip, rıngke qaıta oralamyz. Tileýles jandarǵa myń alǵys. Aýyrmańyzdar! Qurmetpen, Qazaq style komandasy, - dep jazdy Berik Sultan. 

Eske sala keteıik, Jánibek Álimhanuly men Andreı Mıhaılovıchtiń jekpe-jegi Las-Vegaste (AQSh) 13 shilde kúni túnde ótýi tıis edi.

Buǵan deıin Jánibek eki birdeı belbeýge talas aldynda «jyl nokaýtyna» ýáde bergenin jazǵan bolatynbyz.