Birinshi lıga: «Oqjetpes» upaı joǵaltty, «Kaspıı» óz alańynda jeńiske jetti

<p>ASTANA. KAZINFORM - Fýtboldan Birinshi lıganyń HHV týry tartysqa toly bastaldy. Kósh basynda kele jatqan Kókshetaýdyń &laquo;Oqjetpesi&raquo; oılamaǵan jerden syrt alańda Óskemenniń &laquo;Altaı&raquo; komandasyna 0:1 esebimen ese jiberdi. Osylaısha olar týrnır kestesindegi jaǵdaıyn birshama qıyndatyp aldy. Ázirge kósh basynda turǵanmen odan keıingi oryndardaǵy komandalar atalǵan ujymdy ókshelep qaldy.&nbsp;</p>

Birinshiliktiń orta tusyna taman oıyny birshama qojyrap ketken Aqtaýdyń «Kaspıı» klýby áli de Qazaqstan Premer-lıgasyna shyǵatyn múmkindigin joǵaltqan joq. Segiz týr boıy jeńilistiń aşy dámin tatpaǵan olar sol sáttilik serııasyn bul joly da jalǵastyrdy.

Aqtaýlyq klýb búgingi oıynda Almatynyń «Qaırat-2» komandasyn 4:2 esebimen jeńdi. Sondaı-aq atalǵan týrda Oraldyń «Aqjaıyǵy» qyzylordalyq «Qaısar-2» komandasyn 1:0 esebimen qapy qaldyrdy. 

Endi 20 qyrkúıekte «Aqtóbe-2» men «Arys» (Túrkistan oblysy), «Jetisaı» (Túrkistan oblysy) men «Han Táńiri» (Almaty), «Túrkistan» men «SD Family» (Astana), «Ekibastuz» (Pavlodar oblysy) ben «Taraz» komandalary kezdesý ótkizedi.