Birinshi lıga: «Oqjetpes» qatarynan jetinshi márte jeńiske jetti

<p>ASTANA. KAZINFORM — Fýtboldan Birinshi lıga komandalary arasyndaǵy Qazaqstan birinshiliginiń XVІІ týrynyń alǵashqy oıyn kúni ótti.</p>

Bul týrda Kókshetaýdyń «Oqjetpesi» taǵy da jeńiske jetti.

Kókshetaýlyq komanda óz alańynda Túrkistan oblysynyń «Arys» komandasyn qabyldaǵan edi.

Kezdesýde olar qarsylasyn 7:1 esebimen oısyrata jeńdi.

Qatarynan jetinshi márte jeńiske jetken komanda osylaısha týrnır kestesinde 36 upaımen kósh bastap, qarsylastarynan oq boıy uzap ketti. 

Al ekinshi oryndaǵy Túrkistan oblysynyń «Jetisaıy» syrt alańda Qyzylordanyń «Qaısar-2» komandasymen 0:0 esebimen teń oınasa, taǵy bir kezdesýde Pavlodar oblysynyń «Ekibastuzy» Almatynyń «Han táńirinen» 2:1 esebimen basym tústi.

Atalǵan týrda endi 26 shildede«Aqjaıyq» (Oral) men «Taraz», «Aqtóbe-2» men «Altaı» (Óskemen), «SD Family» (Astana) men «Qaırat-2» (Almaty), «Ulytaý» (Jezqazǵan) men «Kaspıı» (Aqtaý) komandalary kezdesedi. 

Eske salsaq, budan buryn fýtbolshy Aleksandr Zýev qostanaılyq «Tobyl» komandasynyń qataryna qosyldy.