Birinshi lıga: «Qaırat-2» komandasy úshinshi orynǵa kóterildi

<p>ASTANA. KAZINFORM &ndash; Fýtboldan Birinshi lıga komandalary arasyndaǵy Qazaqstan birinshiliginiń XVІ týrynyń alǵashqy oıyn kúni ótti.</p>

Aıta ketsek, 18 shildede Almatynyń «Qaırat-2» komandasy óz alańynda Jezqazǵannyń «Ulytaýyn» qabyldaǵan edi. 

Jyl basynda «Ulytaý» Premer-lıga joldamasynan úmitker retinde sanalǵan edi. Dese de ázirge jankúıer seniminen shyǵatyn deńgeıde oıyn kórsete almaı keledi. Jezqazǵandyq klýb XVІ týrda syrt alańda «Qaırat-2» komandasyna 1:2 esebimen jol berip qoıdy. 

Bul týrdan keıin 26 upaımen «Ulytaý» besinshi orynda tursa, «Qaırat-2» 28 upaımen úshinshi orynǵa kóterildi.

Al qyzylordalyq «Qaısar-2» óz alańynda «Túrkistandy» 2:1 esebimen tize búktirdi.

Aıta ketsek, endi 19 shildede «Arys» (Túrkistan oblysy) men «Altaı» (Óskemen), «Jetisaı» (Túrkistan oblysy) men «Aqtóbe-2» komandalary kezdesedi.

Eske salsaq, 17 shildede Oraldyń «Aqjaıyǵy» elordalyq «SD Family» komandasyn 2:1 esebimen jeńse, aqtaýlyq «Kaspıı» «Oqjetpeske», «Taraz» almatylyq «Han Táńirine» 0:1 esebimen jol berdi.