Birinshi lıga: «Kaspıı» óz alańynda «Oqjetpesten» jeńildi

<p>ASTANA. KAZINFORM &ndash; Fýtboldan Birinshi lıga komandalary arasyndaǵy Qazaqstan birinshiliginiń XVІ týrynyń alǵashqy oıyn kúni ótti.&nbsp;</p>

Aqtaýlyq «Kaspıı» fýtbol klýby óz alańynda Kókshetaýdyń «Oqjetpesin» qabyldady. Eki komanda bıyl Premer-lıgaǵa oralýǵa nıettenip otyr. Alaıda mańǵystaýlyq ujym keıingi oıyndaryn súreńsiz ótkizýde. Al, «Oqjetpes» keıingi bes oıynnyń barlyǵynda jeńiske jetip, týrnır kestesinde birinshi orynǵa kóterildi.  

Búgingi qos komanda arasyndaǵy oıyn tartysqa toly boldy. Kezdesý taǵdyryn 80-mınýtta «Oqjetpes» sapynan Alııar Muhamed soqqan jalǵyz gol sheshti. Ol jaqynda ǵana komanda quramyna Taldyqorǵannyń «Jetisý» komandasynan aýysyp kelgen edi.

Osylaısha «Oqjetpes» qarsylasyn 1:0 esebimen tize búktirip, týrnır kestesinde kósh basyna shyqty.

Sondaı-aq 17 shildede Oraldyń «Aqjaıyǵy» óz alańynda elordalyq «SD Family» komandasyn 2:1 esebimen jeńse, «Taraz» almatylyq «Han Táńirine» 0:1 esebimen jol berdi.

Endi 18 shildede «Arys» (Túrkistan oblysy) men «Altaı» (Óskemen), «Jetisaı» (Túrkistan oblysy) men «Aqtóbe-2», «Qaırat-2» (Almaty) men «Ulytaý» (Jezqazǵan), «Qaısar-2» (Qyzylorda) men «Túrkistan» oınaıdy.

Eske salsaq, budan buryn Premer-lıgada «Qaırat» pen «Jeńis» teń tústi.