Birinshi lıga: 10 týr boıy jeńilmegen «Oqjetpes» komandasy «Ulytaýǵa» ese jiberdi

<p>ASTANA. KAZINFORM &ndash; Kókshetaýdyń &laquo;Oqjetpesi&raquo; fýtboldan Birinshi lıganyń HH týrynda Jezqazǵannyń &laquo;Ulytaý&raquo; komandasyna ese jiberip, on týrǵa sozylǵan jeńis serııasyn toqtatýǵa májbúr boldy.&nbsp;</p>

Qazir týrnır kestesinde «Oqjetpes» ózgelerden oq boıy ozyq tur. Premer-lıga joldamasyna qol jetkizýge jaqyndap keledi. 

Al, «Ulytaý» sońǵy týrlarda jaqsy kórsetkishimen kózge túse bastady. Nátıjesinde úzdik úshtiktegi komandalarǵa jaqyndady. 

Kezdesý barysynda 6-mınýtta jezqazǵandyq klýbtan Abzal Taýbaı esep ashsa, 35-mınýtta Demııat Slambekov esepti ústemeleı tústi. 

Osylaısha «Oqjetpes» qarsylasyna 0:2 esebimen ese jiberip, on týr boıy jeńis serııasynan keıin úsh upaıdy joǵaltýǵa májbúr boldy.

Sondaı-aq búgin Oraldyń «Aqjaıyǵy» óz alańynda «Túrkistandy» 3:1 esebimen tize búktirse, Óskemenniń «Altaıy» «Tarazdy» 2:1 esebimen jeńdi.

Endi 16 tamyzda «Aqtóbe-2» men «Han táńiri» (Almaty), «SD Family» (Astana) men «Kaspıı» (Aqtaý), «Jetisaı» (Túrkistan oblysy) men «Ekibastuz» (Pavlodar oblysy), «Arys» (Túrkistan oblysy) pen «Qaısar-2» (Qyzylorda) komandalary kezdesedi.

Eske salsaq, Konferentsııa lıgasynda «Astana» Rýmynııanyń «Korvınýl» komandasyn oısyrata jeńdi.