Birinshi kezekte shaǵyn qojalyqtardan astyq satyp alynady – mınıstrlik

<p>ASTANA. KAZINFORM &mdash; Aýyl sharýashylyǵy mınıstrligi elimizdegi fermerlerden astyqty tikeleı satyp alý jumysyna qatysty túsinik berdi.</p>

«Azyq-túlik kelisimshart korporatsııasy» UK» AQ Memleket basshysynyń tapsyrmasyna sáıkes, 2024 jylǵy 18 qarashadan bastap tikeleı astyqty satyp alý baǵdarlamasyna qatysýǵa aýyl sharýashylyǵy taýaryn óndirýshilerden ótinimderdi qabyldaýdy bastady. Bul maqsattarǵa 10 mlrd teńge bólinedi. Eń aldymen, astyq satyp alý shaǵyn sharýa qojalyqtarynyń óz ónimderin ádil baǵamen ótkizýin qamtamasyz etý úshin júzege asyrylady. Baǵdarlamanyń nátıjesinde shaǵyn jáne orta aýyl sharýashylyǵy sýbektileri memlekettik qoldaý sharalaryn paıdalana alady. Sondaı-aq, artyq astyqty satyp alý tetigi ishki naryqtaǵy baǵa konıýnktýrasyna deldaldardyń yqpalyn barynsha azaıtady», - delingen mınıstrliktiń baspasóz qyzmeti taratqan málimette.

Azyq-túlik kelisimshart korporatsııasy belgilengen standarttar men sapa talaptaryn saqtaı otyryp, aýyl sharýashylyǵy taýaryn óndirýshilerdiń astyǵyn básekelestik sharttarda satyp alady.

Tikeleı satyp alý baǵdarlamasy boıynsha aldyn ala baǵalar:

3-synypty bıdaı (jelimtegi 27%+) – 90 000 teńge QQS-pen;

3-synypty bıdaı (jelimtegi 25%+) – 80 000 teńge QQS-pen;

3-synypty bıdaı (jelimtegi 23%+) – 75 000 teńge QQS-pen;

4-synypty bıdaı (jelimtegi 21%+) – 65 000 teńge QQS-pen;

4-synypty bıdaı (jelimtegi 18%+) – 55 000 teńge QQS-pen;

5-synypty bıdaı (jelimtegi 18%+) – 50 000 teńge QQS-pen;

2-synypty arpa (natýrasy 630 g/l) – 50 000 teńge QQS-pen.

Barlyq rásimderdiń ashyqtyǵyn qamtamasyz etý maqsatynda fermerlerdiń ótinimderin qaraý oblystardyń Úılestirý keńesteriniń qatysýymen júrgiziledi.

«Azyq-túlik kelisimshart korporatsııasynyń aqshalaı qarajatyn bólgennen keıin, fermerler astyq jetkizgeni úshin aqy ala alady. Qazirgi kezde astyq operatorynyń aqsha alýyna qarjy-ekonomıkalyq negizdemeni maquldaý boıynsha is-sharalar atqarylyp jatyr. Tikeleı satyp alý baǵdarlamasyna qatysýǵa ótinimderdi «Azyq-túlik kelisimshart korporatsııasy» UK» AQ óńirlik ókildikteri qabyldaıdy. Astyqty qabyldaýmen operator aıqyndaǵan lıtsenzııalanǵan astyq qabyldaý kásiporyndary aınalysady», - dep atalyp ótken mınıstrlik aqparatynda.

Eske salsaq, jaqynda Prezıdent Úkimetke Azyq-túlik korporatsııasy arqyly sharýalardan astyq satyp alýdy tapsyrdy.