Biryńǵaı ýaqyt beldeýine kóshý: ShQO-da halyqtyń jumys grafıgi ózgertile me

<p>ÓSKEMEN. KAZINFORM &ndash; Shyǵys Qazaqstan oblysynda biryńǵaı ýaqyt beldeýine kóshýge baılanysty halyqtyń jumys grafıgi ózgertilýi múmkin. Bul týraly Shyǵys Qazaqstan oblysynyń ákimi Ermek Kósherbaev málim etti.</p>

- Mundaı sheshim tek jaǵdaıdy saralap, turǵyndardyń pikiri eskerilgennen keıin ǵana qabyldanady. Ázirge naqty eshteńe aıta almaımyz. Biraq halyqtyń jumys grafıgi ózgertilýi múmkin. Soǵan baılanysty qoǵamdyq kólikterdiń, balabaqshalardyń, mektepter men emhanalardyń jumys ýaqyty da ózgeriske ushyraýy yqtımal, - dedi ol QR Prezıdenti janyndaǵy Ortalyq kommýnıkatsııalar qyzmetiniń kóshpeli baspasóz konferentsııasynda. 

Ákimniń aıtýynsha, qazir ár mekemede jumys kestesi ártúrli. Máselen, keıbir balabaqshalar 8:00-de, keıbireýleri 7:30-da ashylady. Sondyqtan oblys boıynsha biryńǵaı keshendi sheshim qabyldaý qajet.

- Buryn jazǵy jáne qysqy ýaqytqa kóship ómir súrgenimiz esimizde. Bul máselede de jan-jaqty talqylaýlar júrgizip, bir sheshim qabyldaýymyz kerek, - dedi Ermek Kósherbaev.

Eske salsaq, osyǵan deıin Óskemen qalasyndaǵy ekologııa máselesin sheshý úshin arnaıy bıýro qurylyp, baqylaýdy kúsheıtý kózdelip otyrǵany habarlanǵan.