Birneshe ret urlyq jasaǵan áýejaı jumysshysy sottaldy

<p>ALMATY. KAZINFORM &ndash; Almaty áýejaıyndaǵy júkti ýaqytsha saqtaý qoımasynyń 29 jastaǵy jumysshysy jalpy somasy 7 mln teńgeden asatyn bóteniń múlkin urlaǵany úshin 3,6 jylǵa sottaldy.</p>

Іshki ister mınıstrliginen habarlaǵandaı, 29 jastaǵy azamat «Almaty-Dýbaı», «Almaty-Praga» jáne «Almaty-Gonkong» halyqaralyq baǵyttarynda bótenniń múlkin birneshe ret urlaǵan. 

«Ustalǵan azamat áýejaıdyń ýaqytsha saqtaý qoımasynda júk tıeýshi bolyp jumys istep júrip, osy jyldyń qańtar-naýryz aılary aralyǵynda jalpy somasy 7 645 371 teńge bolatyn múlikti urlaǵan. Kólik polıtseılerimen jedel tártipte urlyq faktisi boıynsha sotqa deıingi tergep-tekserý júrgizýi barysynda zattaı dáleldemeler tárkilendi»-dep habarlady mınıstrlikten. 

Almaty qalasy Túrksib aýdandyq sotynyń úkimimen er adam kináli dep tanylyp, oǵan 3 jyl 6 aıǵa bas bostandyǵynan aıyrý jazasy taǵaıyndaldy.