Birneshe páteri bar adamǵa múlik salyǵy qalaı salynbaq

<p>ASTANA. KAZINFORM &ndash; Birneshe páteriniń jıyntyq quny 450 mln teńgeden asatyn adamdarǵa múlik salyǵy 1,5 paıyz bolýy múmkin Bul týraly Ulttyq ekonomıka vıtse-mınıstri Azamat Ámrın aıtty.</p>

- Osy oraıda eń bastysy múlikke arnalǵan salyq mólsherlemesiniń artýy jaıynda aıtqan jón shyǵar. Endi múlik jıyntyǵynyń bárine birdeı qoldanylatyn mólsherlemeni esepke alamyz. Óıtkeni biz statıstıkany qaradyq. Bizde menshiginde 65 páter bar adam tirkelgen. Aıtalyq, bir bólmeli páter 25 mln teńge tursa, onda qazir oǵan múlik salyǵy qunynyń shamamen 0,5-0,6 koeffıtsıentin quraıdy. Eger, 60 páterdiń árqaısysyn osy qun boıynsha alsaq, onda somasy 0,6 paıyzdyq mólsherlememen bolady, - dedi vıtse-mınıstr Senatta ótip jatqan salyq saıasatynyń jáne salyqtyq ákimshilendirýdi jetildirýdiń ózekti máselelerine arnalǵan dóńgelek ústel otyrysynda.

Onyń atap ótýinshe, atalǵan páterlerdiń jıyntyq quny 450 mln teńgeden asyp ketedi. Soǵan oraı salynatyn salyq mólsherlemesi 0,6 emes 1,5 paıyz bolýy tıis.

- Sondyqtan jıyntyǵyn eseptegen kezde barlyq múliktiń mólsherlemesi endigi ýaqytta 1,5 paıyz bolyp, artady. Bul múlikterdi satyp alýǵa múmkindigi bar adamǵa joǵary salyq salynýy tıis, - dedi Azamat Ámrın.

Buǵan deıin jańa Salyq kodeksiniń eskisinen qandaı ereksheligi bar ekenin jazǵan edik.