Birneshe óńirde sýǵa kete jazdaǵan adamdar qutqaryldy

<p>ASTANA. KAZINFORM — Búgin qutqarýshylar elimizdiń birneshe óńirinde sý aıdynynda shomylyp júrip, kútpegen jaǵdaıǵa tap bolǵan adamdardy qutqardy. </p>

Batys Qazaqstan oblysynyń Jánibek kentinde 54 jastaǵy er adam qutqaryldy. 

Jasandy sý aıdynynda sý tasıtyn kólikke sý alý kezinde abaısyzda sýǵa qulap, 1970 jyly týǵan júrgizýshi sýǵa bata bastady.

Er adamǵa jaqyn jerde reıd ótkizip júrgen № 21 órt sóndirý beketiniń órt sóndirýshi-qutqarýshysy azamattyq qorǵaý kishi serjanty A. S. Alımov dereý kómekke keldi.   

Foto: TJM

Búgin Aqmola oblysynyń Zerendi aýylynda TJM jedel qutqarý jasaǵynyń qyzmetkerleri Zerendi kóliniń jaǵalaýynan 100 metr qashyqta jeldiń saldarynan óz betinshe jaǵaǵa qaıtyp jete almaǵan er adam men úsh balany qutqaryp, jaǵaǵa jetkizdi.

Olarǵa medıtsınalyq kómek qajet bolmady. 

Osy kúni Kókshetaý qalasynda Qopa kólin kúzetý kezinde jedel qutqarý jasaǵynyń kúshimen 4 adam tabylyp, qutqaryldy.

Jaǵadan 2,5 km qashyqtyqta olardyń gıdroskýtery toqtap qalyp, óz betinshe jaǵaǵa jete almaǵan.  

Sondaı-aq Alakól aýdanynda Alakól kóliniń jaǵalaýyn patrýldeý kezinde TJM qutqarýshylary 2000 jyly týǵan er adamdy qutqaryp, jaǵaǵa jetkizdi.

Belgili bolǵandaı, ol shamasyna qaramaı qaltqyǵa deıin júzip baryp, tunshyǵa bastaǵan.

Medıtsınalyq kómek qajet bolmady.

TJM sýdaǵy qaýipsizdik erejelerin qatań saqtaýdy suraıdy.