Brnavıch qazaqstandyq kompanııalardy Serbııadaǵy jekeshelendirýge qatysýǵa shaqyrdy
«Kelissózder barysynda taraptar ekijaqty qarym-qatynastyń basym baǵyttaryn, onyń ishinde 2015-2016 jj. joǵary deńgeıdegi saparlar sheńberinde qol jetkizilgen ýaǵdalastyqtardyń iske asyrylý barysyn, sondaı-aq Qazaqstan men Serbııadaǵy ishki saıası jáne áleýmettik-ekonomıkalyq ózgeristerdiń úderisin talqylady», - delingen elshiliktiń Feısbýktegi paraqshasynda.
Serb úkimetiniń basshysy Qazaqstandaǵy konstıtýtsııalyq reformanyń maqsaty týraly habardar boldy, Qazaqstan Respýblıkasynyń Prezıdenti N. Nazarbaevtyń «Qazaqstannyń úshinshi jańǵyrýy: jahandyq básekelestik» Joldaýynyń negizgi erejelerimen jáne Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasymen tanysty. Qujattardyń mátinderi áńgimelesýshige serb tilinde tabystaldy.
Qazaqstandyq dıplomat «Astana EKSPO-2017» halyqaralyq kórmesiniń ótkizilý barysy, sondaı-aq BUU Qaýipsizdik keńesindegi turaqty emes múshesi retindegi Qazaqstannyń jumysy týraly baıandap berdi. Sonymen qatar, taraptar qazaqstandyq bıznestiń ınfraqurylymdyq jobalardy iske asyrýǵa qatysý máselelerin talqylady.
Óz tarapynan, A.Brnabıch QR Premer-mınıstri B.Saǵyntaevtyń óziniń laýazymǵa taǵaıyndalýyna oraı joldaǵan quttyqtaýyna shynaıy alǵysyn bildirdi, sondaı-aq sońǵy jyldary Qazaqstan men Serbııa yntymaqtastyǵyn damytý barysyna qanaǵattanýshylyq bildirdi.
Serbııa úkimetiniń basshysy Serbııanyń Eýropalyq odaqqa josparlanǵan kirýi aıasynda qazaqstandyq kompanııalardyń Serbııadaǵy obektilerdi ınvestıtsııalaýǵa jáne jekeshelendirýge qatysýy olar úshin biryńǵaı eýropalyq naryqqa ónimderin shyǵarýǵa jol ashady dep atap ótti. Bul rette A.Brnabıch Qazaqstan Serbııanyń mańyzdy áriptesi ekenin atap ótip, barlyq máseleler boıynsha yntymaqtastyqty belsendi túrde jandandyrýǵa nıetti ekenin kórsetti.