«Birlik júgirisi»: Astanada 2000-ǵa jýyq áýesqoı jelaıaq synǵa tústi
Astana qalalyq sport basqarmasy málim etkendeı, júgirýden kóktemniń basty saıystarynyń biri sanalǵan «Birlik júgirisi» tańǵy 7:00-de bastalǵanyna qaramastan, 2000-ǵa jýyq adam qatysty. Júgirý básekesine qatardaǵy áýesqoılarmen qatar, Astana qalasy ákiminiń orynbasary Eset Baıken, Qazaqstan halqy Assambleıasy Tóraǵasynyń orynbasary Marat Ázilhanov, Astana qalasynyń Dene shynyqtyrý jáne sport basqarmasynyń basshysy Vasılıı Levıt te arnaıy qatysty.
Bul júgirý marafonynyń basty ereksheligi – bir mezette elimizdiń 15 óńirinen 15 000-ǵa jýyq sportshylar júgirip, barlyǵynyń basy bir maqsat aıasynda birige alatyndyǵyn kórsetedi.
– Búgingi is-sharamyz arqyly sý tasqynynan zardap shekkenderge qol ushyn sozsaq deımiz. Mine, búgin salaýatty ómir saltyn nasıhattaý maqsatynda elordamyzda eresekterden 1500, balalardan 300-deı qatysýshy jınaldy. Byltyrǵy jarysymyzda tek 500 metr, 2,5, 5 shaqyrymdy qurap, 250-deı ǵana sportshy jarysqan edi. Endi kórip otyrǵanyńyzdaı, 1 jyldyń ishinde 10, 21 shaqyrymdyq qashyqtyqty qamtyp, qatysýshylardyń qatary 6-7 esege artty. Eresekterden bólek, 6-17 jastaǵy balalar men jasóspirimder 1 shaqyrymǵa júgiredi. Bul – jaqsy dástúr. Óıtkeni jas bala ata-anasynyń aıtqanyn emes, kórgenin isteıdi. Taǵy bir jaqsy jańalyǵymyz – búgingi trassa halyqaralyq jeńil atletıka federatsııasy tarapynan moıyndalǵan. ıAǵnı, osy kórsetkishińizben siz ózge de iri halyqaralyq marafonda baq synaı alasyz. Bunymen toqtap qalmaımyz. Keler jyly tolyqqandy 42,1 shaqyrymdy engizsek deımiz» - dedi, Astana qalasy trıatlon federatsııasynyń prezıdenti Evgenıı Bolgert.
Iá, bul bas shaharymyzdaǵy basty mereke. Sebebi, kóktem bastalǵaly áýesqoı jelaıaqtar 3, 5 shaqyrymǵa ǵana júgirip kelse, búgin birinshi ret 10, 21 shaqyrymǵa júgirýge múmkindik aldy.
– Ata-anam jeńil atletıkamen kásibı túrde aınalysady. Árıne, osy oraıda mende olardan qalys qalmaımyn. Jarystarda óz qatarlastarymmen saıysqa túsken unaıdy. Men úshin jeńimpaz bolý mańyzdy emes. Ýaqytqa da qaramaımyn. Bastysy – júgirýden lázzat alamyn, - deıdi 9 jastaǵy Markýs atty jas qatysýshy.
«Birlik júgirisi» jarysyna tek Astana qalasy ǵana emes,elimizdiń ózge óńirlerinen arnaıy kelip qatysýshylar da boldy. Olar qalamyzdyń kórki sanalatyn Botanıkalyq saıabaq, Abu-Dhabi saýda kesheni, Báıterek monýmenti t.b belgili oryndardyń janynan júgirdi.
Júgirýge qyzyǵýyma aınalamdaǵy dostarym áser etti. Olar júgirýdiń esh qıyndyǵy joq, arnaıy zaldy qajet etpeıdi. Kez kelgen ýaqytta aıaq-kıimdi kıip, bastaı beresiń degennen keıin, júgirýge qadam bastym. Alǵash osy sáýir aıynyń basynda qolǵa alyp, 5 shaqyrymǵa tirkeldim. Qorqynysh boldy. Márege jete almaı, uıat bola ma dep te oıladym. Alaıda, 35 mınýtqa jetkizbeı, qashyqtyqty baǵyndyrdym. Osynyń ózi jetistik bolǵanymen, aldaǵy ýaqytta osy qashyqtyqty 20-25 mınýtta júgirip ótý josparym bar. Salaýatty ómir saltyn ustanýmen qatar, «Taza Qazaqstan» aktsııasynda» aınaladaǵy qoqystardy da jınaýǵa óz úlesimdi qostym. Erte turǵannyń nátıjesinde qoǵamǵa da paıdaly Órken atty astanalyq jasóspirim.
Shara sońynda jeńimpazdar arnaıy júldemen marapattalyp, barsha qatysýshylar «Taza Qazaqstan» aktsııasy aıasynda arttarynan qalǵan qoqystardy tazalap ketti.