Birqatar óńirde kólik-logıstıkalyq ortalyq ashýǵa qarjy tabylmaı jatyr
«Oblystar men Respýblıkalyq mańyzy bar qalalar ákimdikteriniń derekteri boıynsha búgingi kúni Qazaqstan Respýblıkasynyń aýmaǵynda 20-dan astam kólik-logıstıkalyq ortalyq jumys (jumyskerler sany 50 adam) isteıdi.
Onyń ishinde Astana qalasynda – 4, Almaty qalasynda – 1, Shymkent qalasynda – 3 kólik-logıstıkalyq ortalyǵy bar. Sondaı-aq Aqtóbe, Almaty, Shyǵys Qazaqstan, Mańǵystaý, Túrkistan, Abaı jáne Jetisý oblystarynda da mundaı ortalyqtar jumys istep tur. Munan bólek, josparlaý jáne iske asyrý satysynda 30-dan astam kólik-logıstıkalyq ortalyq bar. Olardyń qatarynda jobany bastaý jáne aıaqtaý úshin qarajat joǵy da kezdesedi», - delingen mınıstrliktiń agenttik saýalyna bergen jaýabynda.
Sonymen qatar Kólik mınıstrligi kólik-logıstıkalyq ortalyqtar qyzmetin rettemeıtindikterin, bul sala erkin básekelestik ortada ekendigin atap ótedi.