Brıtanııanyń burynǵy premeri Borıs Djonson ıti men mysyǵyn aıtyp ázildedi

NUR-SULTAN. QazAqparat - Borıs Djonson Ulybrıtanııa premer-mınıstriniń Daýnıng-strıttegi rezıdentsııasynyń qaqpasynda qoshtasý sózin sóıledi. Bul týraly QazAqparat Euronews aqparat agenttigine silteme jasap habarlaıdy.

Borıs Djonson qyzmetinen ketkennen keıin Qaýymdar palatasyndaǵy ornyn saqtap qalady.

«Konservator áriptesterime aıtarym, saıasatty toqtatatyn kez keldi. Biz bárimiz Lız Trass pen onyń baǵdarlamasy tóńireginde birigip, el halqyna qyzmet etýimiz kerek. Sońǵy úsh jylda meni jáne meniń otbasymdy, tipti ıtim Dılandy baqylaǵandardyń barlyǵyna rahmet. Partııama árqashan mynany aıtqym keledi, eger ıtim Dılan men mysyǵym Larrı óz qıyndyqtaryn jeńe alsa, Konservatıvtik partııa da jeńiske jete alady», - dep ázildedi Brıtan úkimetiniń burynǵy basshysy.

Borıs Djonson kóptegen janjaldar, sonyń ishinde koronavırýsqa qatysty oqshaýlaý kezinde daýnıng-strıttegi saýyq keshterden keıin premer-mınıstr qyzmetinen ketýge májbúr boldy.

Eske sala ketsek, Brıtanııanyń jańa premer-mınıstri qyzmetine Lız Trass saılandy.

Foto: novyny.live