Brıtanııalyq sarapshy: AES - taza energııa kózi

<p>LONDON. KAZINFORM - Brıtanııalyq sarapshylar aldaǵy 50-100 jylda álem tolyǵymen taza energııaǵa bet burady deıdi. Osy turǵyda ıadrolyq energetıkaǵa kóshýdiń mańyzy zor, dep habarlaıdy Kazinform tilshisi.</p>

Saımon Marshall Dúnıejúzilik energetıkalyq kongrestiń ókili. Shtab páteri Londonda ornalasqan uıymmen 100-ge jýyq memleket jumys isteıdi.

Kongrestiń negizgi maqsaty energetıka salasynyń búgini men bolashaǵyn talqylaý úshin álem sarapshylarynyń basyn biriktirý.

«KAZENERGY» Qazaqstan munaı-gaz jáne energetıka kesheni uıymdarynyń qaýymdastyǵy da kongrespen qoıan-qoltyq jumys isteıdi.

Marshalldyń pikirinshe, atom elektr stantsııasyn salýdyń paıdasy kóp.

“Álbette, AES qurylysy kezinde jáne paıdalanýǵa berilgennen keıin de jumys oryndary ashylady. Taza jáne senimdi energııa kózi energetıkalyq táýelsizdikke jeteleıdi. Syrttan tasymaldanatyn qýat kózderine degen qajettilikti azaıtady. Jáne eń bastysy - AES ekologııalyq taza energııa beredi”, - deıdi Dúnıejúzilik energetııakalyq kongrestiń ókili Saımon Marshall.