Brıtanııalyq basylym Qazaqstandy saıahattaýǵa bolatyn TOP 24 eldiń qataryna qosty

<p>Sheteldik áıgili jýrnal Qazaqstandy kelesi jyly saıahattaýǵa bolatyn TOP 24 eldiń qataryna qosty. <a href="Kazinform." target="_blank" rel="noopener">Kazinform</a> bul týraly <a href="https://www.wanderlust.co.uk/content/editors-hot-list/?uid=0ab4ebfe144a93ace0cd87157762a288&amp;utm_campaign=Wed%2022%2F12%2F23&amp;utm_medium=Newsletter&amp;utm_source=email" target="_blank" rel="noopener">Wanderlust</a> basylymyna silteme jasap habarlaıdy.&nbsp;</p>

Basylym redaktorlary jyl saıynǵy dástúr boıynsha saıahatty josparlaý úshin álemniń túkpir-túkpirinen eń jaqsy ári eń qyzyqty baǵyttardy tańdap aldy.

Qazaqstan tabıǵaty erekshe ulttyq parkterimen, zamanaýı qalalarymen jáne erekshe mádenıetine baılanysty usynylǵan.

Foto: wanderlust.co.uk

Aldaǵy V Dúnıejúzilik kóshpendiler oıyndaryn (2024 j. 7-15 qyrkúıek, Astana) asyǵa kúte otyryp, Wanderlust oqyrmandaryn Uly dalanyń qyzyqty tarıhyn beıneleıtin kóshpeli halyqtardyń kóp ǵasyrlyq mádenıetimen tanysýǵa shaqyrady. 

Qazaqstandy reıtıngige engizý ıdeıasyn «Kazakh Tourism» UK AQ usynǵan. 

Foto: Qaırat Sádýaqasovtyń jeke muraǵatynan

«Bıyl elimizdiń týrızm salasynda birqatar ońdy oqıǵa boldy: Altyn-Emel ıÝNESKO-nyń Búkilálemdik muralar tizimine engizildi, Almaty oblysyndaǵy Saty aýyly Dúnıejúzilik mura saıty boıynsha eń jaqsy týrıstik aýyldardyń biri atandy. Kelesi jyl da jarqyn oqıǵalarǵa toly bolady», - dedi Qazaq týrızm basqarma tóraǵasynyń mindetin atqarýshy Qaırat Sádýaqasov.

Wanderlust – 1993 jyly negizi qalanǵan Ulybrıtanııanyń jetekshi týrıstik jýrnaly. Ol Ulybrıtanııa jáne Eýropada áli kúnge deıin shyǵarylatyn eń kóne týrıstik jýrnal. Sondaı-aq ABC derekteri boıynsha Ulybrıtanııa basylymdarynyń ishindegi taralymy eń joǵary basylym. Jýrnal jańa týrıstik baǵyttarǵa, erekshe saıahattarǵa jáne keremet áser alýǵa baǵyt beredi.