Brıtanııada júk kóliginde tunshyǵyp ólgen 39 mıgranttyń qazasyna kináli 4 adam sottaldy
Tórt aıyptalýshy 2019 jyly Anglııada júk kóliginiń tirkemesinen tabylǵan 39 mıgranttyń ólimine sebepshi bolǵany úshin 13 jyldan bastap 27 jylǵa deıin jaza arqalady.
Eki negizgi aıyptalýshy - Soltústik Irlandııanyń týmasy, 41 jastaǵy júrgizýshi Ronan Hıýz - 20 jylǵa, 43 jastaǵy Rýmynııa azamaty George Nıka - 27 jylǵa sottaldy.
Taǵy eki júrgizýshiniń bireýi 13 jyl 4 aıǵa, ekinshisi 18 jylǵa bas bostandyǵynan aıyryldy.
Eske sala keteıik, 2019 jyldyń 23 qazanynda Ulybrıtanııanyń Esseks graftyǵyndaǵy Greıs qalasynda kólik tońazytqyshynan 31 erkek pen segiz áıeldiń máıiti tabylǵan edi.
Brıtanııa polıtsııasynyń málimetinshe, adamdarǵa júk kóliginde aýa jetpeı, tirkemeniń ishi qatty ysyp ketken.
Qaza tapqandardyń arasynda 26 jastaǵy Fam Thı Tra Maı bolǵan. Ol 22 qazanda otbasyna tynys ala almaı jatqanyn aıtyp, hat joldaǵan.
Polıtsııa boljamyna sensek, júk kóligi Bolgarııadan kelip, Ýels graftyǵynyń Holıhed porty arqyly el aýmaǵyna 19 qazanda kirgen.
Jappaı kisi ólimine baılanysty birneshe adam tutqyndaldy.
Keıinnen júk kóliginen denesi tabylǵan 39 adamnyń aty-jóni belgili boldy.
Osyǵan baılanysty Esseks polıtsııasy Vetnamǵa baryp, tergeý júrgizdi. Nátıjesinde jeti adamǵa aıyp taǵyldy.