Brıtanııada jastarǵa koronavırýs qasaqana juqtyrylatyn bolady

NUR-SULTAN. QazAqparat – Brıtanııa jastaryna koronavırýs qasaqana juqtyrylatyn bolady. Koronavırýs qandaı qan tobyndaǵy adamdarǵa jıi juǵady? Álemdegi jańalyqtar jóninde Koronavırýstyń taralýyna jol bermeý jónindegi Qazaqstan Úkimeti janyndaǵy vedomstvoaralyq komıssııanyń Telegram-kanalynda usynyldy, dep habarlaıdy QazAqparat.

Brıtanııada deni saý jastar koronavırýs shtamdaryn óz erkimen juqtyra alady. Bul, COVID-19 vaktsınalary men emdeý ádisterin testileý baǵdarlamasy aıasynda júzege asyrylmaq. Ulybrıtanııa mundaı synaqtardy alǵashqy bolyp maquldap otyr.

Aldaǵy aptada bastalatyn baǵdarlamaǵa 18-30 jas aralyǵyndaǵy 90 adam qatyspaq. Olarǵa vırýs baqylanatyn jáne qaýipsiz ortada juqtyrylatyn bolady. Eriktilerdiń densaýlyǵyn dárigerler únemi qadaǵalap otyrady.

Reseı ǵalymdarynyń zertteýleri kórsetkendeı, koronavırýspen aýyrǵandardyń arasynda І qan tobyndaǵy adamdar az. Іndetti kóbine II jáne IV qan toby bar adamdar juqtyrady eken.

Germanııa 2021 jyly COVAX mehanızmine 1,5 mıllıard eýro bólmekshi. Bul týraly Germanııanyń Syrtqy ister mınıstri Haıko Maastyń BUU Qaýipsizdik keńesiniń otyrysynda málimdedi.

Maas atap ótkendeı, ACT Accelerator jobasy iske qosylǵannan beri Germanııa 600 mıllıon eýro bólgen. Atalmysh joba damyǵan elderde koronavırýsty emdeýde monopolııanyń aldyn alýǵa jáne vaktsınalardyń taralýyna kepildik beredi.