Brıtanııada jasóspirimderge koronavırýsqa qarsy vaktsına salý usynyldy

NUR-SULTAN. QazAqparat - Brıtanııanyń Bas sanıtarııalyq dárigerleri jasóspirimderdi koronavırýsqa qarsy vaktsınatsııalaýdy usyndy, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Málimdemede aıtylǵandaı, mundaı sheshim «qoǵamdyq densaýlyq saqtaý sebepteri boıynsha» qabyldandy, sonymen qatar «vaktsınatsııa mektepterde COVID-19 taralý deńgeıin tómendetýge múmkindik beredi».

Slovenııada 15 qyrkúıekten bastap kovıdpen kúresý úshin jańa shekteý sharalary qoldanylady. Eldiń kez-kelgen jerine kedergisiz barý úshin azamattar tekserý qorytyndysy bolýy nemese vaktsına pasporty bolýy kerek. Sondaı-aq aýyryp saýyqqannan keıin alty aıdan artyq ýaqyt ótpegen bolýy kerek.

Lıtva koronavırýstan vaktsınatsııalanbaǵan adamdarǵa qatań shekteýler engizdi. Vaktsına almaǵan adamdar aýdany 1,5 myń sharshy metrden asatyn saýda ortalyqtaryna, barlyq azyq-túlik emes dúkenderge bara almaıdy. Sondaı-aq, olar úshin tamaqtaný mekemelerine jáne qoǵamdyq is-sharalarǵa kirýge tyıym salynǵan.