Brıtanııada jasandy ıntellekt saıasatkerlerdiń jalǵan daýysyn jazyp, jarııalaǵan

<p>Brıtanııada da jyldyń ekinshi jartysyna josparlanǵan saılaýdyń ádil ótýine jasandy ıntellekt keri yqpal etedi degen qaýip bar. Buǵan deıin de joǵary laýazymdy saıasatkerler dıpfeıktiń qurbany bolyp úlgergeni belgili, dep habarlaıdy Kazinform.</p>

Máselen, oppozıtsııalyq Leıborıster partııasynyń kóshbasshysy Kır Starmerdiń áriptesterine daýys kóterip, beıádep sózder aıtyp jatqan daýsy áleýmettik jelilerde tarady. Keıin bul - jasandy ıntellektiń kúshimen jasalǵan jalǵan aýdıojazba ekendigi málim boldy.

Odan keıin London meri Sadık Hannyń Palestınany qoldaýshylardyń sherýine baılanysty Ekinshi dúnıejúzilik soǵys qurbandaryn eske alý sharasyn keıinge qaldyrý týraly daýysy jarııalandy. Ol da qasaqana taralǵan jalǵan aqparat bolyp shyqty.

Polıtsııa aýdıojazbalardy zerttep, “qylmystyq quqyq buzýshylyq emes” degen qorytyndyǵa keldi. Sarapshylar dıpfeıktermen kúres júrgizilmese, demokratııaǵa qaýip tónedi dep esepteıdi.

“Tehnologııalardy tehnologııamen jeńýge bolady. Dıpfeıkterdi anyqtaý mehanızmderi jetildirilýde. Mysaly, Intel kompanııasy teriniń astyndaǵy qan aınalymyn zertteý arqyly jalǵan vıdeolardy tabatyn tehnologııa oılap tapty. Biraq olar jetildirilgen saıyn jasandy ıntellekt te tez damyp keledi jáne burynǵydan da sapaly kontent usynyp jatyr. Ásirese, aýdıojazbanyń ras-ótirigin áshkereleý qıynǵa túsýde. Menińshe, orta merzimdi keleshekte osy salany retteıtin arnaıy zań qabyldanady”, - deıdi Century tech kompanııasynyń bas dırektory Prııa Lakhanı.