Brıtanııada onlaın bıznesti qadaǵalaý kúsheıtildi

<p>Ulybrıtanııa bıligi salyqtan jaltarýshylardy qadaǵalaýdyń jańa túrin engizdi. Bıyldan bastap, tsıfrlyq platformalar onlaın saýdamen aınalysatyndar nemese páterin jalǵa beretinder týraly aqparatty salyq organdaryna habarlap otyrýlary tıis. Kásipkerlerdiń jyldyq tabysy teńgege shaqqanda 600 myńnan assa jáne salyq tólemese, shara qoldanylady, dep habarlaıdy Kazinform.</p>

“Ótken túnde 55 myń fýntqa saýda jasadym. Áli de óz-ózime sene alar emespin. Endi kásibimdi zańdastyratyn ýaqyt kelip jetti. Budan bylaı jylyna 1000 fýnttan artyq tabys tabatyn bolsam salyq tóleýim kerek. Áıtpese, aıyppulǵa iligemin”, - deıdi Nıka ıÝsaı esimdi saýdager.

Nıka ıÝsaı birneshe jyldan beri onlaın kommertsııamen aınalysady. Habarlandyrýlar arqyly nemese qaıyrymdylyq dúkenderinen eski sómkeler satyp alyp, ústine aqsha qosyp satady.

Dorbalar sý jańa emes, biraq dızaınerlik ónim bolǵan soń zor suranysqa ıe. Nıka sómkelerdi áleýmettik jeliler arqyly jarnamalap, osy ýaqytqa deıin biraz tabysqa kenelip júrgen.

Jańa nemese eski zattardy, qoldan jasalǵan buıymdardy saýdalaıtyndar, taksı nemese jetkizip berý qyzmetin kórsetetinder, frılanserler, repetıtorlar, páterin jalǵa beretinder - bári-bári salyq organdarynyń nazarynda bolady. Olar týraly onlaın platformalar aqparat berip otyrýǵa mindetti.

“Ekonomıkalyq yntymaqtastyq jáne damý uıymyna múshe 30-dan astam elde tirkelgen veb-saıttar onlaın saýdamen aınalysatyn Brıtan rezıdentteri týraly málimetpen bólispek. Zańdy óreskel buzǵandar jiti tekserilip, tipti qylmystyq qýdalaýǵa ushyraýy múmkin”, - deıdi salyq sarapshysy Nıkos Marko.

Salyq organdary buǵan deıin de jylyna bir ret málimet talap ete alatyn. Al jańa jyldan bastap, aqparat avtomatty túrde jáne búkil álem boıynsha túsip otyratyn boldy. Mundaı ózgeristerge álemdik ekonomıkadaǵy jaǵdaılar alyp keldi. Sońǵy ýaqytta úıden jumys istep, tabys tabatyndar, biraq salyqtan jaltaratyndar kóbeıgen.