Brıtanııada karantın sharalary jeńildep, mektepter ashylmaq

NUR-SULTAN. QazAqparat - Brıtanııa premer-mınıstri Borıs Djonson dúısenbi kúni keshke koronavırýsqa qarsy shekteý sharalaryn jeńildetetinin málimdeıdi, dep habarlaıdy VVS.

Brıtanııa Úkimeti daıyndaǵan josparǵa sáıkes, mektepter 8 naýryzdan bastap ashylady, sondaı-aq sol kúnnen bastap eki úıdiń eki adamyna kezdesýge ruqsat etiledi.

Boljam boıynsha, 29 naýryzdan bastap ár úıde turatyn alty adamnyń kezdesýine ruqsat etiledi. Sáýirdiń sońyna deıin azyq-túliktik emes dúkender ashylady. Gazet málimetinshe, pab pen meıramhanalar mamyrda ǵana ashylady, degenmen, mekemelerdiń otyratyn jazǵy alańdary kelýshilerdi odan erterek qabyldaýy múmkin.

Brıtanııada qaýip tobyndaǵy 15 mıllıonǵa jýyq adam ekpe aldy. El bıligi vaktsınatsııa juqtyrý qaýpin tómendetedi dep úmittenip otyr. Degenmen ǵalymdar úkimetti shekteý sharalaryn alýǵa asyqpaýǵa shaqyrǵan.