Brıtanııa parlamentarıleri Qazaqstanmen yntymaqtastyq máselesin talqylady

LONDON. QazAqparat – Ulybrıtanııa qaýymdar palatasynyń depýtaty Danıel Kavchınskıı Mońǵolııamen yntymaqtastyq taqyrybyndaǵy pikirtalas barysynda Qazaqstanǵa saparynda alǵan áseri týralıa baıandady, dep habarlaıdy QazAqparat.

«Jyl basynda Qazaqstanda (Astana) saılaýda baqylaýshy retinde boldym. Sol kezde Syrtqy ister mınıstri (Ulybrıtanııa Djeıms Kleverlı) Astanaǵa baryp, óte mańyzdy birqatar mańyzdy kelisimge qol qoıdy», - dedi bıleýshi konservatıvti partııanyń ókili Danıel Kavchınskıı.

Onyń pikirinshe, búginde brıtandyq ónerkásip tapshylyǵyn sezinip otyrǵan mańyzdy paıdaly qazbalardyń qomaqty qory bar Qazaqstan demokratııa men zań ústemdigine senimdi túrde ilgerilep keledi.

«Maǵan Astanadaǵy saılaýda baıqaýshy retinde kórgenim qatty áser etti. Mońǵolııa men Qazaqstan bir - birimen qatar ornalasqan. Demokratııa men bostandyqqa negizdelgen erejelerdi engizýge kómektesetin «ǵajaıyp gúlder», - dep sanaıdy brıtandyq depýtat.

Eske sala keteıik, Danıel Kavchınskıı naýryz aıynda elimizge QR Parlamenti Májilisi men máslıhattaryna saılaýdy baqylaýshy retinde kelgen bolatyn. Qazaqstandaǵy saılaý protsesin baqylaý úshin ony brıtan Parlamentiniń Qazaqstanmen yntymaqtastyq jónindegi barlyq partııalyq toby jiberdi.

Tımýr Dúısekeev