Brıtandyq ǵalymdar kúzde koronavırýs taǵy da órshýi múmkin ekenin eskertti

NUR-SULTAN. QazAqparat – Brıtandyq ǵalymdar koronavırýs juqtyrý jaǵdaılarynyń kóbeıýi osy kúzde juqtyrý jaǵdaılarynyń taǵy da órshýine ákelýi múmkin ekenin eskertti, dep habarlaıdy QazAqparat MedicalXpress-ke silteme jasap.

Ǵalymdardy qazir Ulybrıtanııada órship turǵan koronavırsýtyń «delta» nusqasy alańdatyp otyr. Olardyń oıynsha, vırýstyń bul túrine vaktsına asa áser etpeıdi. Sol sebepti Ulybrıtanııa aýrýdy baqylap otyrǵysy kelse, vaktsınalaýdyń odan da joǵary deńgeıine jetýi tıis.

AstraZeneca vaktsınasyn óndirý boıynsha Oksfordtyq toptyń dırektory professor Endrıý Pollard ekpe alǵan kez kelgen adamnyń bul nusqany juqtyrýy múmkin ekenin eskere otyryp, ekpe almaǵan adamnyń kez kelgen ýaqytta ony juqtyryp alýy múmkin ekenin habarlady. Osylaısha, vaktsına aýrýdyń taralýyn tejeýi múmkin, alaıdy ony tolyǵymen toqtata almaıdy.

«Qyrkúıek aıynda koronavırýs boıynsha ahýal qaıta órshıdi. Ol burynǵydan da beter bolýy múmkin. Sol sebepti qazirgi optımızm orynsyz», - dedi ǵalym.