Brıtandyq Elshi dıplomatııalyq mıssııasyn aıaqtaıdy

NUR-SULTAN. QazAqparat – Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Ulybrıtanııa Elshisi Maık Gıffordtty elimizdegi dıplomatııalyq mıssııasynyń aıaqtalýyna oraı qabyldady, dep habarlaıdy QR SІM baspasóz qyzmeti.

Dostyq ruhynda ótken áńgime barysynda dıplomattar barlyq negizgi baǵyttar boıynsha qazaqstan-brıtan yntymaqtastyǵynyń jaı-kúıi men keleshegin talqylady.

Syrtqy saıasat vedomstvosynyń basshysy Elshiniń Nur-Sultan men London arasyndaǵy strategııalyq áriptestikti keńeıtýge jáne nyǵaıtýǵa qosqan úlesin erekshe atap ótti. Suhbattastar Koroldiktiń Eýropalyq odaqtan shyǵýyna baılanysty Qazaqstan men Ulybrıtanııa arasyndaǵy strategııalyq áriptestik pen yntymaqtastyq týraly jańa kelisimge qol qoıý boıynsha birlesken josparlardy quptady.

M.Gıffordttyń ekijaqty baılanystardy damytýǵa qosqan jeke úlesin nazarǵa ala otyryp, brıtan dıplomaty QR Syrtqy ister mınıstriniń Qurmet gramotasymen marapattaldy.