Brıtan sarapshysy Qazaqstandaǵy reformalar týraly pikir bildirdi
«Qazaqstannyń maqsaty – ınklıýzıvti ınstıtýttar men gúldengen qoǵam qurý. 1999 jyldan bastap Qazaqstan keıbir salalarda basqalarǵa qaraǵanda kúshti ilgeriledi. Men muny Qazaqstan ınstıtýttary úshin múmkindikter máselesi dep sanaımyn. Keńes kezeńinde saıası jáne ekonomıkalyq ınstıtýttar joǵary dárejede bir qolǵa shoǵyrlandyryldy. Qazaqstan ınstıtýttardyń sapasy boınysha 60-shy orynda. Úzdik 30 eldiń qataryna kirý úshin ınstıtýttardyń deńgeıin osy otyzdyqtyń deńgeıine jetkizý kerek. Sondyqtan, birinshiden, ákimshilik reformalar mańyzdy. Biraq basymdyqtardy, basym salalardy saýatty belgileý qajet», - dedi Djeıms Robınson Strategııalyq bastamalar forýmynda.
Onyń sózinshe, bir mezette búkil salany nysana etip alýǵa bolmaıdy.
«Ekinshiden, saıasat pen ekonomıkadaǵy strategııalyq kózqarastar mańyzdy. Azamattarǵa ekonomıkalyq reformalardyń mańyzdy ekenin túsindirý mańyzdy. Reforma tehnıkalyq turǵydan júzege asyrylýy múmkin, biraq ony qoǵam qabyldaı qoımaýy múmkin. Sondaı-aq ártúrli múddeli toptar bar. Olarmen de jumys isteýge týra keledi. Sondyqtan reforma júrgizgen kezde «utylǵandar» ony qabyldaıtyndaı etip qurylymdaý kerek. Qazaqstan úkimetiniń qazirgi baǵytyn eskere otyryp, halyqtyń ınklıýzıvti ınstıtýttarǵa qaraı tańdaý jasaýǵa múmkindigi bar dep aıta alamyn», - dedi Djeıms Robınson.