Brıtan parlamentiniń depýtatyn saılaýshylarmen kezdesý kezinde óltirip ketti
12:13, 16 Qazan 2021
NUR-SULTAN. QazAqparat – Brıtan parlamenti qaýymy palatasynyń depýtaty Devıd Emessti saılaýshylarmen kezdesý barysynda óltirip ketti, dep habarlaıdy QazAqparat euronews aqparat agenttigine silteme jasap.
Shabýyl jasaǵan 25 jastaǵy er adam depýtattyń Londonnan shyǵysqa qaraı ornalasqan Esseks graftyǵy, Lı-on-Sı qalasynyń turǵyn aýdanyndaǵy Belfers shirkeýinde saılaýshylarmen kezdesýi kezinde arqasynan birneshe ret pyshaq suqqan. Qylmysker ustaldy. Onyń áreketine ne sebep bolǵany anyqtalýda.
Bul – brıtandyq parlamentarıı tarıhynda sońǵy 5 jylda birinshi ret adam óltirý oqıǵasy.
2016 jyly Dıdske jaqyn ornalasqan Berstalldaǵy qabyldaý bóliminiń qasynda leıbrolıster depýtaty Djo Koks qaskúnem qolynan qaza tapqan.