Brıtan konservatorlar partııasynyń basshysy qyzmetinen ketti

ASTANA. QazAqparat – Ulybrıtanııa premer-mınıstri Rıshı Sýnak óziniń basqarýshy konservatıv partııasynyń tóraǵasy Nadhım Zahavıdi qyzmetinen bosatyp, úkimetten shyǵardy. Onyń salyq isterin táýelsiz tergeý kezinde mınıstrlik kodeksi buzylǵany anyqtaldy, dep habarlaıdy QazAqparat Euronews agenttigine silteme jasap.

Qyzmetine kiriser kezde Sýnak «kabınetim barynsha adal, kásibı jumys isteıdi jáne esep beredi» dep ýáde bergen bolatyn.

Saılaý nátıjesine boljam jasaıtyn áleýmettik saýalnama ınstıtýty - YouGov negizin qalaýshy Zahavı salyq organdary anyqtaǵan kemshilikterdi moıyndady, biraq qateligi ádeıi jasalmaǵanyn, muqııatsyzdyǵynyń saldarynan bolǵanyn málimdedi.

Brıtandyq BAQ málimetinshe, bul isti retteý 5 mıllıon fýnt sterlıng bolǵan (6,2 mıllıon dollar).

Zahavı Ulybrıtanııanyń qarjy mınıstrligin 2022 jyldyń shildesinen qyrkúıegine deıin, Borıs Djonson premer-mınıstr bolǵan sońǵy aılarda basqardy.

Nazım Zahavı – brıtan parlamentindegi eń aýqatty depýtattardyń biri. Ol mundaı dáýletke YouGov avtorıtarly áleýmettik kompanııasynyń negizin qalaýshylardyń biri retinde qol jetkizdi.

Salyqqa qatysty keleńsiz jaǵdaıǵa deıin ol BAQ-pen qarym-qatynas jasaı alatyn úkimettiń eń belsendi ókilderiniń biri sanalatyn.

Zahavı 1967 jyly Irak astanasy Baǵdadta kúrdter otbasynda dúnıege kelgen.

Eger onyń ata-anasy elden ketip qalmaǵanda, ol ırak-ıran soǵysyna qatysýy múmkin edi.

«Meni Irak áskerine shaqyrar edi. Alǵy shepte soǵysyp, sol jaqta qaza tabýym múmkin edi», - dedi ol Bı-bı-sı jýrnalısi Nık Robınsonǵa bergen suhbatynda.

Foto: ru.euronews.com