Brısben týrnıri: Aleksandr Nedovesov jartylaı fınaldan tys qaldy

<p>Qazaqstannyń juptyq syndaǵy birinshi, álemniń 45-raketkasy Aleksandr Nedovesov Brısben (Aýstralııa) ATP 250 týrnıriniń jartylaı fınalyna shyǵa almady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qazaqstandyq tennısshi ekvadorlyq Gonsalo Eskobarmen birge shırek fınalda jarystyń 1-raketkalary, germanııalyqtar Kevın Kravıts — Tım Pıýtspen synǵa tústi.

Birinshi partııada germanııalyq dýet 6:3 esebimen basym tústi.

Ekinshi sette de eshteńe ózgere qoıǵan joq — 7:5.

Saǵat jarymǵa jýyq ýaqytqa sozylǵan báseke barysynda A.Nedovesov — G.Eskobar 8 eıs jasaǵanymen, 8 breık-poınttyń bireýin ǵana paıdalandy.

Qarsylas jup 3 eıs, 3 breıkpen (5 breık-poınt) kózge tústi.

Eske sala keteıik, budan buryn Sonıa Jıenbaevanyń Qazaqstan azamattyǵyn alǵanyn jazǵan bolatynbyz.