Biryńǵaı ýaqyt beldeýine kóshkende oqýshylar sabaǵy qalaı retteledi

<p>ASTANA. KAZINFORM &ndash; QR Oqý-aǵartý mınıstri Ǵanı Beısembaev 1 naýryzda biryńǵaı ýaqyt beldeýine kóshý jáne onyń oqý protsesine áseri týraly pikir bildirdi.</p>

«Ne degenmen, bul sheshimdi tıisti sarapshylar qaýymdastyǵy men ǵalymdar taldap-tekserip, qabyldady. Sondyqtan, mundaı sheshim qabyldanǵan bolsa, barlyǵy oryndy», — dedi Ǵanı Beısembaev Úkimette ótken brıfıngte.

Sonymen birge, mınıstr ýaqyt aýysýynyń mektepterdegi oqý protsesine yqtımal áseri týraly aıtyp berdi.

«Oqý ýaqytynyń esebinen, árıne, jergilikti atqarýshy organǵa qajet bolǵan jaǵdaıda sabaqtyń bastalý ýaqytyn qaıta qaraýǵa múmkindik beremiz», - dep tolyqtyrdy spıker.

Buǵan deıin Ǵanı Beısembaev qazaq tili oqýlyǵyndaǵy «kógónis» sózin oqýlyqqa kim engizgenin, munyń qanshalyqty durys ekenin túsindirgen edi.