Biryńǵaı ýaqyt beldeýine bekerden-beker aýysqan joqpyz – Oljas Bektenov

<p>ASTANA. KAZINFORM &ndash; Biryńǵaı ýaqyt beldeýine bekerden-beker aýysqan joqpyz. Bul týraly Úkimet otyrysynda Premer-Mınıstr Oljas Bektenov aıtty.</p>

«Saýda mınıstri óz baıandamasynda qoldanystaǵy ýaqyt beldeýine qatysty jan-jaqty dálelderdi keltire otyryp naqty jaýap berdi. Úkimet bul sheshimdi qoldaıdy. Biz biryńǵaı ýaqyt beldeýine bekerden-beker aýysqan joqpyz. El aýmaǵynyń kóp bóligi 5-shi ýaqyt beldeýinde ornalasqan. Sondyqtan ǵylymı turǵydan bul durys sheshim. Saýda jáne Aqparat mınıstrlikterine jan-jaqty aqparattyq túsindirý jumystaryn júrgizýdi tapsyramyn», - dedi Oljas Bektenov.

Eske sala keteıik, buǵan deıin Qazaqstanda biryńǵaı ýaqyt beldeýiniń adamdarǵa áseri zertteletinin jazǵan edik.