Brexit týrısterge qalaı áser etedi

NUR-SULTAN. QazAqparat – Brıtanııanyń Eýroodaqtan shyǵýy týrıster arasynda haos týǵyzatyny týraly jıi aıtylyp júr. 1 aqpannan bastap elge baratyn týrısterdi ne kútip tur?, dep jazady QazAqparat CNN-ge silteme jasap.

«Breksıt memlekette referendým ótkennen keıin úsh jarym jyldan keıin boldy. Ulybrıtanııanyń Eýroodaqtan shyǵýy kesirinen medıkamentter men azyq-túlik jetispeı jatyr, shekarada uzyn-sonar kezek bolyp jatyr», - dep jazady agenttik.

Ulybrıtanııa Eýroodaqtan 31 qańtar kúni shyqqanymen, 2020 jyldyń 31 jeltoqsanyna deıin ortaq naryq pen kedendik odaqta qalady. Odan keıin Ulybrıtanııa jańa saýda kelisimin jasap, qaýipsizdik pen ımmıgratsııa týraly zań qabyldaıdy.

«2019 jyldyń sáýirinde Eýroparlament brıtan azamattaryna qysqa ýaqytqa vızasyz rejım engizýge kelisim berdi. Ázirge 2021 jylǵa deıin týrısterdiń jaǵdaıy qandaı bolatynyn naqty boljaý qıyn. Al Ulybrıtanııanyń ishki ister mınıstri Eýroodaq azamattaryna Brıtanııada vızasyz júrýge jáne jumys isteýge ruqsat berilmeıtinin málimdedi», dep jazady avtor.

Brıtanııanyń týrıstik agenttikter assotsııasy ókilderiniń aıtýynsha, Ulybrıtanııa men Eýroodaq 2020 jyldyń sońyna deıin ortaq kelisimge kele almaýy múmkin.