Brent munaıynyń baǵasy qaıtadan kóterilip jatyr

ASTANA. QazAqparat - Astana ýaqytymen saǵat 04:09 shamasynda Brent munaıynyń bir barreliniń quny 6,43%, ıaǵnı 85,03 dollarǵa deıin ósti, dep habarlaıdy QazAqparat TASS agenttigine silteme jasap.

Londonnyń ICE bırjasynda 2023 jyldyń maýsymynda jetkiziletin Brent markaly munaı fıýchersteriniń quny 7 naýryzdan beri alǵash ret 85 dollardan asty.

Ony dúısenbidegi saýda-sattyq derekterinen kórýge bolady.

Saǵat 04:23-ke qaraı Brent barreli 85,45 (ósim - 6,96%) dollarǵa jetti.

Sonymen qatar 2023 jyldyń mamyrynda jetkiziletin WTI markaly munaı fıýchersteri 7,15% qymbattap, barreli 81,08 dollarǵa jetti.

2 sáýirde birqatar OPEK+ elderi, onyń ishinde Qazaqstan kútpegen jerden mamyr aıynan bastap jyldyń sońyna deıin munaı óndirýdi qysqartatynyn jarııalady.

Qysqartýdyń jalpy kólemi - táýligine shamamen 1,65 mln barrel bolýy múmkin.